“Көҙгө матурлыҡ”

Маҡсат:

Балаларҙы тәбиғәт миҙгелдәре менән таныштырыу. Тәбиғәткә һөйөү, һаҡсыл ҡараш, ғорурлыҡ хисен тәрбиәләү. Балаларҙың музыкаль һәләтен үҫтереү.

Көй уйнай.Алып барыусы инә.

Алып барыусы.: Һаумыһығыҙ ҡәҙерле балалар,килгән ҡунаҡтар,атайҙар һәм әсәйҙәр.бөгөг беҙҙә ҙур байрам,йылдың иң матур миҙгеле-көҙ байрамы.

Йәй айҙары гөрлөп үтте
Алтын көҙ килеп етте
Аҡ ҡайындар иңдәренә
Һары шәлдәрен япты

Алып барыусы.:Ә хәҙер алҡышлап балаларҙы ҡаршы алайыҡ.(Ҡулдарына төрлө төҫтә япраҡтар тотоп Көҙ апай менән балалар залға вальс көйөнә инәләр,түңәрәктә бейейҙәр һәм ярым түңәрәккә барып торалар)

Алып барыусы.:

Алтын күлдәген кейеп
Көҙһылыу килде беҙгә
Байлыҡ,уңыш,муллыҡ алып
Байрамға инде беҙгә.

Көҙһылыу:Һаумыһығыҙ  ҡунаҡтар. Йылдың бөтә матурлығын ,йомарт уңышын алып мин килдем һеҙгә ҡунаҡҡа,көҙ байрамын ҡаршыларға.Үҙем генә килмәнем,ярҙамсым Уңышбикәне алып килдем.таныш булығыҙ бына ул.

Уңышбикә:  Һаумыһығыҙ балалар,хәйерле көн ҡунаҡтар.

Алып барыусы.:Әйҙә , әйҙә рәхим итегеҙ.Балалар һиңә тип матур йырҙар,бейеүҙәр һәм шиғырҙар әҙерләнеләр.

Көҙһылыу:Улай булғас ҡыҙҙар-малайҙар көҙ тураһында шиғырҙарығыҙҙы һөйләп ишеттерегеҙ әле.

Алып барыусы.:Ниндәй күңелле көй уйнай

Байрам кәйефе килә.
Тирә-яҡты нурға күмеп
Алтын көҙ килде беҙгә.
Көҙ һулышы күптән инде
Үҙен белдерә.
Әйҙәгеҙ балалар бергәләп
Дан йырлайыҡ бергәләп.

Йыр “Көҙ килгән”

Көҙһылыу:Шундай матур йырлайһығыҙ.күңелдәр дәртләнеп китте.Уңышбикә әллә балаларҙы уйнатып алаһыңмы?

Уңышбикә: Ашлыҡ тейәп ылауҙар
Ниндәй тиҙ етеҙ елде
Ил байлығы мул булыр
Көҙ килде бит,көҙ килде.

Түңәрәк уйын “Огородная — хороводная”

Алып барыусы.:

Моңһоуланды урмандар
Һарғайҙы ҡырҙар өҫтө
Йылға-күлдәр топ-тоноҡ
Көҙ килде бит,көҙ килде.

Көҙһылыу: Балалар күрәһегеҙме шундай матур төрлө төҫтә япраҡтар.Улар бик күптәр,әйҙәгеҙ бергәләп ошо япраҡтар менән уйнап алайыҡ.Һеҙгә  көҙгө таж төҙөргә кәрәк  буласаҡ.

Уйын “Көҙгө таж”

Уңышбикә: Афарин балалар.һеҙҙең көҙгө таж бик матур килеп сыҡты.

Алып барыусы: Йырлап алайыҡ әле
Уйнап алайыҡ әле
Йырлайыҡ та,уйнайыҡ та
Бейеп алайыҡ әле.

Алып барыусы: балалар башҡарыуында күмәк бейеү

Бейеү “Башҡорт полькаһы”

Көҙһылыу: көҙ миҙгеле уңышҡа бай миҙгел.Бөтә кешеләрҙә баҡсаларҙа уңыш йыйыр мәл.Беҙҙә һеҙҙең менән уңыш йыйып уйнап алайыҡ.

Уйын “Уңыш йый”

Алып барыусы: Рәхмәт һиңә Көҙһылыу,уйының бигерәк күңелле булды.

Уңышбикә: Йоҡмаһын беҙгә сирҙәр
Аһ-зарға беҙ тулмайыҡ
Йырлайыҡ гел шат йырҙар

Йыр “Осень”

Көҙһылыу: күңелдәр күтәрелеп китте.

Алып барыусы:рәхмәт ҡыҙҙар , малайҙар.Ә хәҙер һүҙ балаларға.

Балаларҙың шиғырҙары

Алып барыусы:Ҡурайҡайын алып яңғыратып
Көй күтәрә башҡорт балаһы
Күңелдәрҙе асып йырлап-бейеп
Байрам итә “Аҡбуҙат”баҡсаһы.

Түңәрәк уйын “Көҙ һәм балалар”

  Көҙһылыу:Рәхмәт һеҙгә уйынығыҙ оҡшаны.

Уңышбикә :  Көҙгө матур байрам
Уңышы еремдең
Ул һәр саҡ мул булһын
Бәхетле илемдең.

Алып барыусы: Эйе ,Көҙһылыу,илебеҙ тыныс булһын,уңышҡа ла бай булһын,һау – сәләмәт булайыҡ.

Йыр “Көҙ етте”

Көҙһылыу: көҙҙәр үтте тиеп ҡайғырмайыҡ ,уйнайыҡ та бейейек.

Алып барыусы:

Тыпыр – тыпыр тыпырлай
Аяҡтары тик тормай
Малайҙар башҡарыуында  бейеү

Бейеү “Батырҙар”

Алып барыусы: Балалар ,Көҙһылыу,Уңышбикә  ишетәһегеҙме кемдер килә түгелме?

Көй уйнай.Бәшмәк инә.

Бәшмәк: Һаумыһығыҙ балалар ,ҡунаҡтар.Мине танынығыҙмы.?Эйе , мин бәшмәк.Минән кешеләр тәмле бәлештәр бешерәләр,тоҙламалар яһайҙар.Беҙ ҙә бит көҙгө уңышҡа инәбеҙ.

Алып барыусы: ысынлап та балалар бәшмәкте кешеләр көҙ етеү менән ямғырҙан һуң йыялар.

Көҙһылыу: Әйҙә бәшмәк түрҙән уҙ беҙҙең байрамға.

Бәшмәк: бына мин ишеттем дә “Аҡбуҙат” балалар баҡсаһында байрам икәнлеген балаларҙы ҡотларға тип ашығып килеп еттем.Уйын да алып килдем.Һеҙ бәшмәктәрҙе беләһегеҙме икән?Мин аҡ бәшмәк – ашарға яраҡлы , тағы ла була ағыулы бәшмәктәр.Бына улар.(күрһәтә)

Уйын “бәшмәк йыйыу”

Бәшмәк: Рәхмәт балалар, һеҙ дөрөҫ йыйҙығыҙ.минән һеҙгә көҙгө бәшмәктәр бүләккә.тәркәмгә ҡайтҡас сәй эсерһегеҙ.Миңә ҡайтырға ваҡыт.тағы ла бер йыл үткәс беҙ һеҙҙең менән осрашырбыҙ.Күстәнәс бирә , сыға.

Көҙһылыу: Һеҙҙең менән беҙ  күңел асып ял итеп алдыҡ.Беҙгә  китергә лә ваҡыт,эштәр ҙә күп әле:ағас япраҡтарын ҡойоп бөтөрөргә кәрәк,тағы ла ерҙе һалҡын ҡышҡа әҙерләргә.Һеҙгә көҙ күстәнәсен ҡалдырабыҙ(алмалар,күрһәтә)

Уңышбикә: Мал-тыуар теүәл ҡышлаһын
Имен йәшәйек
Киләһе алтын көҙҙә.

Алып барыусы: Йырлап  алайыҡ бергәләп.

Йыр “Һаубулығыҙ ҡоштарым”

Алып барыусы: Ә хәҙер барығыҙҙы ла төркөмгә саҡырабыҙ,байрам дауам итә.Көҙһылыуҙың күстәнәсе менән тәмләп сәй эсәйек бергәләп.(Сығалар)